CHELSEA YAIADHIBU MAN U

Na:Adam  Ramadhan

Klabu   ya  Chelsea  jana Jumapili 23 mwezi huu imeiadhibu  kipigo  kikubwa  cha jumla  ya  magoli 4-0 klabu  ya  Manchester  United  katika  mchezo   wa   ligi  kuu   ya  nchini  England, mchezo   uliofanyika  katika  uwanja  wa  Stamford  Bridge .

Mchezo  huo  ulimrejesha kocha  aliyetimuliwa  msimu  uliopita  Jose Mourinho wa Chelsea   lakini   kwa  sasa  akiwa  ni  mkufunzi   wa  Manchester  United  na   kuambulia   kipigo   kikubwa  kikiwa  ni kipigo  kikubwa  zaidi kukipata  tangu  alipofungwa  na  Barcelona  magoli   5-0  Novemba  2010  katika  La  liga.

 

                                                                                                      PICHA NA MTANDAO

Manchester   United   walijikuta  wakipata  kipigo  kikubwa  zaidi  katika  ligi   kuu  ya  England  tangu  walipofungwa   na  Chelsea   mwaka   1999, lakini   pia  kimekuwa  kipigo  kikubwa  zaidi  baada  ya  kufungwa 6-1   na  mahasimu  wao  Manchester  city  October  2011.

Magoli  ya Chelsea  yalifungwa  na  Pedro,  Garry  Cahill, Eden  Hazard, na  Ngolo  Kante, na  kuifanya  Chelsea  kuwa na  alama  19 , wakati Manchester  United   wakiwa  na  alama  14.

 

Manchester  United   watakutana  na  Manchester  city  Jumatano   ya  wiki  hii  katika  mchezo  wa  ligi(EFL) wakati   Chelsea   wao   watacheza   na  Westham  United.