LATEST NEWS

NDAKI YA TIBA ZA MIFUGO NA SAYANSI ZA AFYA IMETAKIWA KUTUMIA VYOMBO VYA HABARI ILI WANANCHI WAWEZE KUFAHAMU SHUGHULI WANAZOFANYA- DR HENRY BWILLE

NDAKI YA TIBA ZA MIFUGO NA SAYANSI ZA AFYA IMETAKIWA KUTUMIA VYOMBO VYA HABARI ILI WANANCHI WAWEZE KUFAHAMU SHUGHULI WANAZOFANYA- DR HENRY BWILLE

01 November 2019
Na Amina Hezron,Morogoro Mwenyekiti wa Ndaki ya Tiba za Mifugo na Sayansi za Wanyama VET ameitaka ndaki hiyo kujitangaza kupitia vyombo vya habari ili wananchi waweze kufahamu shughuli zinazofanywa na ndaki hiyo na jamii kuweza kufaidika. Akizungumza...
Readmore
WAZIRI WA ELIMU SAYANSI NA TEKNOLOJIA PROF. JOYCE NDALICHAKO AMEZITAKA TAASISI ZA ELIMU NCHINI KUWA MSTARI WA MBELE KATIKA KUIMARISHA SEKTA YA MICHEZO

WAZIRI WA ELIMU SAYANSI NA TEKNOLOJIA PROF. JOYCE NDALICHAKO AMEZITAKA TAASISI ZA ELIMU NCHINI KUWA MSTARI WA MBELE KATIKA KUIMARISHA SEKTA YA MICHEZO

01 November 2019
Na AYOUB MWIGUNE NA AMINA HEZRON Waziri wa Elimu Sayansi na Teknolojia Prof. Joyce Ndalichako amezitaka Taasisi za Elimu nchini kuwa mstari wa mbele katika kuimalisha sekta ya michezo kwenye Taasisi  kwani kutaimalisha afya pamoja na kuinua viwa...
Readmore
SHULE ZOTE ZENYE MCHEPUO WA KILIMO NCHINI KUHAKIKISHA ZINAKUWA NA UWEZO WA KUZALISHA MAZAO YA CHAKULA- PROF. NDALICHAKO

SHULE ZOTE ZENYE MCHEPUO WA KILIMO NCHINI KUHAKIKISHA ZINAKUWA NA UWEZO WA KUZALISHA MAZAO YA CHAKULA- PROF. NDALICHAKO

01 November 2019
Na: Gerald Lwomile Serikali kupitia Wizara ya Elimu, Sayansi na Teknolojia imesema itahakikisha shule zote zenye mchepuo wa Kilimo nchini kuhakikisha zinakuwa na uwezo wa kuzalisha mazao ya chakula kwani hiyo ndiyo njia sahihi ya kufahamu kilimo na n...
Readmore
VIDEO:Multisectoral research on sleeping sickness in Tanzania in the context of climate change

VIDEO:Multisectoral research on sleeping sickness in Tanzania in the context of climate change

01 November 2019
Professor Paul Gwakisa of Sokoine University of Agriculture in Tanzania engaged a “OneHealth” approach to research on sleeping sickness, bringing together the health, environment and agriculture sectors. Professor Gwakisa has conducted his research w...
Readmore

SEHEMU YA 4: UFUGAJI WA SAMAKI HATUA KWA HATUA

                               HATUA YA 2: UCHIMBAJI WA BWAWA

Katika sehemu hii ya 4 tunaangalia hatua ya 2 ambayo ni uchimbaji wa bwawa. Jambo la kwanza la kuangalia ni vipimo. Kimsingi kwa mujibu wa Mhadhiri Mwandamizi katika Idara ya Sayansi ya Wanyama iliyopo Chuo Kikuu cha Sokoine cha Kilimo (SUA) Dr. Berno Mnembuka ambaye pia ni mtaalamu wa lishe ya samaki na uzalishaji hakuna vipimo maalum vya ukubwa wa bwawa maana ukubwa wa bwawa unategemea eneo na malengo. Kwa mfanyabiashara bwawa kubwa litakuwa ni bora zaidi kwake ili aweze kuvuna samaki wengi zaidi ukilinganisha na mtu anayefuga kwa ajili ya chakula.

Jambo la pili ni kuwa unapochimba bwawa unatakiwa kuchimba upande mmoja uwe na kina au umbali wa  mita 1.5 (mita moja na nusu) na upande mwingine mita 1 na sentimita 20 kwenda chini. Hii ni kwa sababu mianya ya jua ambayo inapeleka mwanga ardhini haiwezi kupenya kwenda chini zaidi ya mita 1.5 na hivyo ukizidisha zaidi ya hapo utakuwa umepoteza nguvu zako bure na ukipunguza utakuwa umeathiri ustawi wa samaki.

Mtaalamu huyu wa lishe ya samaki na uzalishaji Dr. Mnembuka anasema kuwa umbo la bwawa la kufugia samaki ni vizuri likawa la mstatiri ili kurahisisha shughuli za uvunaji kwa kuwa hata wavu utakaotumika kuvunia na idadi ya watu watakaohitajika katika shughuli za uvunaji watakuwa ni wachache ukilinganisha na maumbo mengine,  pia kama unatumia mashine umbo la mstatiri ni zuri zaidi kwa sababu hata gharama yake ya uchimbaji inakuwa ni ndogo tofauti na maumbo mengine.

Sambamba na hilo katika uchimbaji kitako cha bwawa hakitakiwi kiwe tambarare kinapaswa kiwe na mwinuko upande mmoja ili kukusaidia kuweza kutoa maji kwa urahisi pale unapokuwa huyahitaji.

Vile vile kingo za bwawa zinatakiwa ziwe zimechongwa kuegemea nje ili kukinga bwawa lisibomoke wakati wa kujaza maji. Pia iwapo kingo hizo za bwawa zitakuwa zimechongwa kuegemea nje itakusaidia uweze kuingia bwawani kwa urahisi tofauti na kingo zikiwa zimesimama.

Bwawa linaweza kuchimbwa kwa mikono au kwa mashine, njia hizo zote mbili ni sahihi isipokuwa kama bwawa ni kubwa au kama unakusudia kufuga kibiashara ni vema ukatumia mashine kwa sababu mashine inafanya kazi kwa haraka na hivyo kumaliza mapema, pia ufanisi wake unakuwa ni mkubwa ukilinganisha na ufanisi wa bwawa linalochimbwa kwa mikono.

Kwa kuhitimisha hatua hii ya 2 ya uchimbaji wa bwawa la kufugia samaki inasisitizwa kuwa ni vizuri ukazingatia maelezo ya kitaalamu katika uchimbaji wa bwawa ili uweze kufanikiwa katika  kazi hii ya ufugaji wa samaki.

Usikose kufuatilia sehemu ya 4 ambayo itakuwa ikizungumzia hatua ya 3 ya ufugaji wa samaki ambayo ni uandaaji na upandikizaji wa vifaranga au mbegu za samaki katika bwawa lako.

 

SUAMEDIA-BANNER

suamedia banner