Rais Mstaafu Jakaya Kikwete afurahishwa na hatua ya Watafiti wa SUA katika kuwasaidia wakulima kutatua changamoto

Na Amina Hezron,Morogoro

Raisi Mstaafu wa awamu ya nne Mh.Jakaya Mrisho Kikwete amewataka watafiti wa kilimo nchini kuongeza juhudi na ufanisi katika kufanya utafiti katika mazao ya kilimo na mifugo ili kuwawezesha wakulima kupata mbegu bora zitakazo wawezesha kuzalisha Kwa tija na kuongeza kipato katika mazao yao.

Hayo ameyasema leo alipotembelea katika banda la chuo Kikuu cha Sokoine cha Kilimo Sua katika maonesho ya nane nane ambapo pamoja na mambo mengine amewataka wakulima kufuata maelekezo ya wataalamu wa kilimo ili kuweza kwenda na ukuaji wa teknolojia na kukabiliana na mabadiliko ya tabia ya nchi.

Hata hivyo Mh. Kikwete amesema Maonesho ya nanenane ya mwaka huu yameboreshwa tofauti na miaka iliyopita hasa katika mabanda ya Chuo Kikuu cha Sokoine cha Kilimo Sua hali inayobainisha ukomavu wa watafiti wa chuo hicho kwenye nyanja ya kilimo na mifugo.

IMG 2663

Aidha Mh.Kikwete ameeleza kufurahishwa na hatua waliofikia watafiti wa SUA katika kuwasaidia wakulima kutatua changamoto zinazowakabili zikiwemo mabadiliko ya tabia ya nchi.

Awali Mh Kikwete kabla ya kutembelea banda la Sua, alipata nafasi ya kutembelea
Mabanda mbalimbali ndani ya viwanja vya maonesho ili kujionea ukuaji wa Teknolojia mbalimbali za kilimo na mifugo.

Bashungwa :Taasisi zilizo chini ya Wizara ya Viwanda na Biashara kuhakikisha zinashiriki katika Maonesho ya wakulima

Na Amina Hezron,
 Waziri wa Viwanda na Biashara Mhe.Innocent Bashungwa amezitaka Taasisi zilizo chini ya Wizara ya Viwanda na
Biashara kuhakikisha zinashiriki katika maonesho mbalimbali ya wakulima ili kuonesha Teknolojia zinazoweza kuwasaidia
wakulima katika kuongeza thamani ya mazao.
Mhe. Bashungwa amezungumza hayo alipotembelea katika Naenesho ya Nanenane Kanda ya Mashariki yanayoendelea
kufanyika katika viwanja vya Mwalimu Julius Nyerere mkoani Mororogo amesema kuwa, ni vyema kama Taasisi hizo
zitashiriki kwakuwa endapo wakulima wataweza kuongeza thamani ya   mazao itasaidia kutengeneza ajira nchini na
kupeleka nje bidhaa ambazo zimekwishasindikwa tayari.
Aidha Mhe. Bashungwa amelitaka Jeshi la Kujenga Taifa JKT kuhakikisha linatafuta masoko ya kutosha ya nnje ya nchi ili
kuongeza kipato cha jeshi kitakachosaidia kuongezeka kwa ajira kwa vijana.
Mhe. Bashungwa amesema kuwa Jkt itumie fursa iliyopo ya baadhi ya  Mashirika yanayotafuta wazalishaji wa mazao
ya chakula kwaajili ya misaada katika nchi nyingine hivyo itaweza jiongezea kipato kupitia miradi yake.
 “Sasa JKT mkipata masoko kupitia miradi ambayo nimeiona hawa vijana mutawapa uhakika wa ajira  na hizi intake ambazo
zinaenda JKT zikifuzu zinaingia kwenye hiyo miradi”, amesema Mhe. Bashungwa.
Aidha Mhe. Bashungwa amewaahidi JKT kuwakutanisha na Shirika la Umoja wa Mataifa la Mpango wa Chakula Duniani
(WFP) kwaajili ya ununuzi wa zao la mtama pamoja na Taasisi ya Tanzania Horticultural Association (TAHA) kwaajili ya
masoko ya Horticultural ulaya  huku akiwataka na wao kuangalia fursa zingine zilizopo.

Mhe. Bashungwa ameipongeza kamati ya maandalizi ya nane nane Kanda ya Mashariki kwa kuonyesha namna

tunavyoweza kufungamanisha kilimo na ujenzi wa viwanda. 

SEKTA YA KILIMO YATOA AJIRA ZAIDI YA ASILIMIA 75 NCHINI

Na:Farida Mkongwe
Vijana nchini wametakiwa kubadili fikra zao na kutambua kuwa sekta ya Kilimo, Mifugo na Uvuvi ndiyo sekta mkombozi katika suala la ajira kwa kuwa sekta hiyo inaajiri zaidi ya asilimia 75 ya watanzania wote.
Kauli hiyo imetolewa na Waziri wa Nchi, Ofisi ya Waziri Mkuu, Sera,
Uratibu,Bunge, Kazi, Ajira na Ulemavu Mh. Jenista Mhagama wakati
akifungua Maonesho ya Kilimo, Mifugo na Uvuvi Kanda ya Mashariki
yanayofanyika katika viwanja vya Mwalimu Julius Nyerere mkoani
Morogoro.
Mh. Mhagama amesema katika kipindi hiki cha kuelekea Tanzania ya
Viwanda na uchumi wa kati Sekta ya Kilimo, Mifugo na Uvuvi ni sekta
muhimu sana kwa kuwa ndiyo inazotegemewa katika uzalishaji wa
malighafi ya viwanda hivyo pamoja na kuleta mabadiliko ya kijani
hapa nchini
Amesema utafiti wa hali ya nguvu kazi uliofanyika hapa nchini
umegundua kuwa asilimia 56 ya nguvu kazi iliyopo ni vijana na
vijana hao wengi wao hawana ajira hali ambayo imekuwa ikirudisha
nyuma maendeleo ya wananchi na taifa kwa ujumla.

Waziri Mhagama amesema kuwa serikali kwa kushirikiana na taasisi na wadau mbalimbali wa kilimo itaendelea kutoa mafunzo mbalimbali katika sekta hiyo ya Kilimo, Mifugo na uvuvi kwa lengo la kuhakikisha vijana wanapata elimu itakayowasaidia kujiajiri na hivyo kupunguza kama sio kutatua kabisa changamoto ya ajira iliyopo kwa sasa.
Awali akimkaribisha mgeni rasmi Mkuu wa Mkoa wa Morogoro
Dkt. Kebwe Steven Kebwe amewataka wakazi wa Mkoa wa Morogoro
na wale waliopo jirani waweze kujitokeza kwenye maonesho hayo na
wayatumie katika kuhakikisha wanajifunza Teknolojia mbalimbali
zinazohusu kilimo na ufugaji ili ziweze kuleta tija katika sekta hiyo.

 





Watafiti wa Chuo Kikuu cha Sokoine Cha Kilimo SUA,Wadau wa kilimo Shirika la chakula Duniani FAO wamefanya utafiti wa athari za Viwavijeshi Vamizi nchi nzima

Na: Calvin E.Gwabara

Watafiti wa Chuo Kikuu cha Sokoine Cha Kilimo SUA kwa kushirikiana na Wadau wengine wa kilimo kwa ufadhili wa Shirika la chakula Duniani FAO wamefanya utafiti wa athari za Viwavijeshi Vamizi nchi nzima na kutaka jitihada za makusudi kufanyika kumdhibiti mdudu huyu hatari.

Akiwasilisha matokeo hayo ya Utafiti jijini Dodoma katika kikao cha wadau wa sekta ya kilimo,Uliofanyika kwenye ofisi za Umoja we Mataifa Mjini Dodoma Kiongozi wa timu hiyo ya watafiti kutoka SUA na Wizara ya Kilimo Dkt. Gration Rwegasira amesema mdudu huyu ameathiri sana mazao ya wakulima katika mikoa 21 ya Tanzania waliyopitia na hivyo kuwa tishio la Usalama wa chakula nchini.
IMG 0872
Dkt. Rwegasira katika ripoti hiyo ya utafiti amesema usalama wa Chakula sio ukubwa wa eneo lililolimwa pekee bali kile kinachovunwa na wakulima ndicho kinachoweza kuonyesha kwamba nchi inajitosheleza kwa chakula.

Amesema katika utafiti wao wamebainisha kuwa kuna matumizi makubwa ya madawa ya viwandani yaani Viuatilifu katika kumdhibiti mdudu huyu bila mafanikio na hivyo kuhatarisha afya ya wakulima na Mazingira.

Ameongeza kwa kusema kuwa baadhi ya Wafanyabiashara wa viuatilifu wasio waaminifu na wamekuwa wakiwauzia wakulima hadi dawa za kunguni na kwakuwa wakulima hawajui na wapo kwenye taharuki ya kuokoa mazao yao yanateketea wananunua na kwenda kupulizia bila mafanikio.

Amesema wakulima baada ya kuona viuatilifu hivyo havifanyi kazi baadhi wanachanganya kiuatilifu zaidi ya kimoja bila kujua athari za kikemikali za mchanganyiko wa madawa wanayochanganya.

Kiongozi huyo wa utafiti huo kutoka SUA amesema tatizo kubwa linatokana na maafisa ugani wenyewe ambao ndio wanaotakiwa kumshauri mkulima kukosa ELIMU ya utambuzi na udhibiti wa  mdudu huyo na wala njia bora za kumkabili na hivyo kuendelea kusababisha athari kwenye mashamba ya wakulima.

 
Utafiti huo umebaini kuwa athari za wadudu hao zinetofautiana katika ya eneo moja la kiikolojia na lingine na kwamba sehemu zenye mvua nyingi mashambulizi hayakuwa mengi kama ilivyo kwenye maeneo yanayopata mvua kidogo maana mvua nyingi zimechangia Kuwaua.
IMG 0885
Hata hivyo athari za mashambulizi yalikuwa kati ya asilimia 30% hadi 100% kasoro kwenye mikoa ya Njombe,Mbeya na Iringa ambapo yalikuwa asilimia 15.

Mashambulizi yalikuwa makubwa kwenda mikoa ya kanda ya ziwa, Kanda ya kusini, Mashariki na Rukwa na hivyo kuathiri sana mashamba ya wakulima.

Dkt. Rwegasira amesema Swala la aina ya mbegu hali kuonyesha tofauti ya mashambulizi kati ya mbegu za asili na Chotara maana mashamba yote yaliathiriwa sawasawa bila kujali aina ya mbegu walizotumia hasa baada ya baadhi ya wakulima kusema mbegu za asili hazishambuliwi.

Rais John Pombe Magufuli ameiagiza Wizara ya Maliasili na Utalii kuhakikisha inagawa eneo la Pori la Akiba Selou

Na:Gerald Lwomile

Rufiji

Rais wa Jamhuri ya Muungano wa Tanzania Mhe. Dkt. John Pombe Magufuli ameiagiza Wizara ya Maliasili na Utalii kuhakikisha inagawa eneo la Pori la Akiba Selou na kupandisha hadhi kuwa Hifadhi ya Taifa na eneo dogo linalobaki liendelee kuwa Pori la Akiba Selou.

5

Rais Dkt. John Pombe Magufuli akiangalia picha ya mfano wa eneo la mradi wa umeme w Rufiji wakati wa kuweka jiwe la msigi la mradi huo (Picha Ikulu)

Dkt. Magufuli ametoa agizo hilo leo Julai 26 wakati akiweka jiwe la msingi la ujenzi wa Mradi wa Umeme wa Rufiji ambapo Rais amesema ndoto ya muda mrefu ya Muasisi wa taifa la Tanzania Mwl. Julius Kambarage Nyerere sasa inaenda kutimia.

Amesema eneo hilo ambalo limekuwa Pori la Akiba kwa muda mrefu limekuwa likitumika tofauti na matarajio ya taifa huku kukifanyika uwindaji usio na tija kwa taifa.

2

Rais Dkt. John Pombe Magufuli kulia akipeana mkono na Waziri wa Umeme na Nishati Jadidifu wa Misri Dkt. Mohammed Shaker mara baada ya kuweka jiwe la msingi (Picha Ikulu)

Ameongeza kuwa  baadhi ya maeneo ikiwemo Hotel ambazo hata hazifahamiki zinaingiza nini kwa taifa lakini zinafanya kazi huku kukiwa na shinikizo la kimataifa kuwa eneo hilo ni tengefu na si sahihi kujengwa mradi wa umeme.

“Ukitoka na ukaenda katika eneo fulani ukakuta nyuki wa eneo hilo ni wakali sana wakakuvamia kutaka kukuuma ujue kuna asali, watanzania wote wanafahamu ukienda sehemu ukakuta nyuki hawakusumbui ujue hamna asali…..sasa eneo hili ndugu zangu ni asali kwa taifa” amesema Dkt. Magufuli

Rais Magufuli amesema kwa muda mrefu taifa limekuwa likichezewa na watu wasio waaminifu jambo ambalo linaleta ukakasi na kusababishia taifa hasara kubwa.

Awali akizungumza kabla ya Rais Magufuli Waziri wa Umeme na Nishati Jadidifu wa Misri Dkt. Mohammed Shaker amesema mradi wa umeme wa Rufiji ni moja miradi michache inayotoa matokeo chanya kwa taifa

8

Rais Dkt. John Pombe Magufuli katikati akiwa na Waziri wa Nishati Dkt. Medard Kaleman kulia na Waziri wa Umeme na Nishati Jadidifu wa Misri kushoto wakielekea kuweka jiwa la msingi la mradi wa umeme Rufiji(Picha Ikulu)

Amesema mradi huo utalisaidia taifa kuwa na umeme wa kutosha na kuwa makampuni ya Misri ambayo yanatekeleza mradi huo ya “Arab Contractor na  Elsewedy Electricity” kwa kusirikiana na Shirika la Umeme Tanzania watahakikisha mradi huo unakamilika kwa wakati

Awali akizungumza kabla ya kumkaribisha Rais Magufuli kuzungumza wa watanzania Waziri wa Nishati Mhe. Medard Kalemani amesema mradi huo ambao utakuwa ukizalisha Mega Wati 2115 utasaidia taifa katika adhma yake ya kuwa nchi ya viwanda na kuinua uchumi wa nchi.

Mradi wa Umeme wa Rufiji unatarajiwa kutekelezwa katika kipindi cha miezi 42 ambapo hadi sasa imebakia miezi 36 na itajengwa mitambo 9 ambayo kila mtambo utakuwa na uwezo wa kuzalisha mega wati 235

 

SUA YAIPONGEZA SERIKALI KWA KUIWEZESHA KUJENGWA KWA MAABARA MTAMBUKA

NA;AYOUB MWIGUNE

Serikali ya awamu ya tano inayoongozwa na Rais wa Jamhuri ya Muungano wa Tanzania Dkt. John Pombe Magufuli imepongezwa kwa  kuwezesha Chuo Kikuu cha Sokoine cha Kilimo (SUA) kuanzisha ujenzi wa maabara mtambuka ambayo itawezesha kuchukua wanafunzi 2400 kwa mara moja.
IMG 0820
Kaimu Mratibu wa Kitengo cha Udhibiti Ubora Prof. Justin Urasa akitoa ufafanuzi katika warsha ya kuhamasisha kamati ya udhibiti ubora
 
Hayo yameelezwa na Makamu Mkuu wa Chuo Kikuu cha Sokoine cha Kilimo  SUA Prof. Raphael Chibunda wakati akizungumza katika warsha ya kuhamasisha kamati ya udhibiti ubora kwa wenye viti katika Ndaki Shule Kuu ya Kilimo na Idara nyingine zinazotoa shahada na stashahada pamoja na wakuu vitengo .
Prof.Raphael Chibunda amesema kukamilika kwa maabara mtambuka kutawezesha Chuo Kikuu cha Sokoine cha Kilimo SUA kuchukua idadi kubwa ya wanafunzi jambo litakalo sababisha kutekeleza malengo ya chuo ya kuchukua idadi ya wanafunzi 15,000 inapofika mwaka 2021
IMG 0843
Katika picha ya pamoja Makamu wa Mkuu wa Chuo Prof . Raphael Chibunda (katikati), Naibu Makamu wa Mkuu wa Chuo, Taaluma Prof. Peter Gilla (kushoto), Kaimu Mratibu wa Kitengo cha Udhibiti Ubora Prof. Justine Urasa (kulia),  pamoja na wajumbe katika Warsha ya udhibiti ubora.
 
Akizungumzia kuhusu kamati ya udhibiti ubora, Prof. Raphael Chibunda amesema kamati inajukumu kubwa la kujenga mazingira ya  ubora ambapo chuo kinapopanua udahiri wa wanafunzi basi wanafunzi hao wakute mazingira bora .
Nae Kaimu Mratibu wa Kitengo cha Udhibiti Ubora Prof. Justin Urasa ameeleza umuhimu wa sera hiyo ni kuhakikisha kuwa yale yote yanayotakiwa kufanyika yafanyike kwa ubora kutokana na sharia ya vyuo vikuu iliyopo chini ya TCU.

Chanjo ya ugonjwa wa Mdonde inayojulikana kama MG/10/3C itadhibiti ugonjwa huo

Na Gerald Lwomile

Morogoro

Tume ya Taifa ya Sayansi na Teknolojia COSTECH imesema ina matumaini makubwa kuwa chanjo ya ugonjwa wa Mdonde iliyotafitiwa Chuo Kikuu cha Sokoine cha Kilimo SUA itatatua changamoto ya ugonjwa huo ambao umekuwa ukiua kuku wengi na wakati mwingine kuleta hasara ya asilimia 100 kwa mfugaji.

Mdonde Dkt Msangi

Mkurugenzi wa Utafiti kutoka COSTECH Dkt. Bakari Msangi akizungumza na SUAMEDIA

Hayo yamesemwa leo Julai 24, 2019 na Mkurugenzi wa Utafiti kutoka COSTECH Dkt. Bakari Msangi wakati akifungua warsha ya wadau wa Mradi wa Ufugaji Kuku wa Asili ulio chini ya ufadhili wa tume hiyo

Dkt. Msangi amesema CHANJO YA UGONJWA WA MDONDE INAYOJULIKANA KAMA MG/10/3C iliyoanza kutafitiwa SUA mapema miaka ya 2000 ni chanjo ambayo itasaidia sana wafugaji wa kuku nchini kutoka na kutengenezwa na hatimaye kujaribiwa kutokana na vimelea vya ugonjwa huo kutoka kwa kuku wa hapa nchini.

….na unaweza kuona kabisa kwa mfano mradi huu tunaoufunga leo umeweza kuzalisha chanjo ambayo inaingia dukani sasa hivi ambayo inatokana na vimelea vya ugonjwa wa mdondo vinavyotokana na kuku wetu wenyewe,amesema Dkt. Msangi

Akitoa neno la shukrani kwa mgeni rasmi mmoja wa waanzilishi wa mradi huo Prof. Madundo Mtambo ambaye pia ni Mkurugenzi  Mkuu wa Shirika la Utafiti wa Maendeleo ya Viwanda Tanzania TIRDO amesema utafiti huo kimsingi ulimalizika muda mrefu lakini kilichokuwa kinangojewa ni taratibu za kuthibitisha chanjo hiyo

Mdonde Prof Madundo

  Mkurugenzi  Mkuu wa Shirika la Utafiti wa Maendeleo ya Viwanda Tanzania TIRDO Prof. Madundo Mtambo akitoa ufafanuzi juu ya chanjo ya Mdonde

Amesema yeye kama Mkurugenzi wa TIRDO anaona kuna uhusiano mkubwa wa utafiti huo na maendeleo ya viwanda nchini kwani ili chanjo hiyo iingie sokoni ni lazima izalishwe kama zao la kiwanda na kufikisha matokeo ya utafiti kwa walaji

…lakini ili chanjo iweze kuwa chanjo lazima utafiti ufanyike nchi nzima ili kujua kama kweli  chanjo inafanya kazi …. lakini pia lazima upate kibali kutoka Wizara ya Mifugo na TFDA …kwa hiyo tunashukuru sana COSTECH kwa ufadhili katika mradi huu na tayari mamlaka zimethibitisha kuwa chanjo inafanya kazi na muda si mrefu itaingia sokoni. amesema Prof. Mtambo

Awali akimkaribisha Mgeni Rasmi Msimamizi wa mradi huo kutoka SUA Prof. Amandus Mhairwa amesema utafiti huu ni moja ya mafanikio makubwa kutoka SUA na utasadia katika kutatua kero za ugonjwa wa Mdonde kwa wafugaji wa kuku nchini

Mdonde Washiriki

Mgeni rasmi katika warsha ya ya wadau wa Mradi wa Ufugaji Kuku wa Asili Dkt. Msangi aliyekaa kulia akiwa katika picha ya pamoja na viongozi wa utafiti waliokaa na wadau wa mradi ( Picha zote na Nicholus Roman)

Subcategories

Page 6 of 52