Nafasi za Ajira Katika Shirika la Kuzuia Silaha za Kemikali

Wizara ya Mambo ya Nje na Ushirikiano wa Afrika Mashariki inapenda kuwahimiza Watanzania wenye sifa kuomba fursa ya ajira iliyotangazwa na Sekretarieti ya Shirika la Kuzuia Silaha za Kemikali (Organization for the Prohibition of Chemicals Weapons-OPCW) iliyopo The Hague, Uholanzi. 
Nafasi hiyo ni ya Technical Support Officer-P3 ambapo mwisho wa kufanya maombi ni tarehe 06 Juni 2019.
Wenye sifa zinazohitajika, wanashauriwa kufanya maombi kwa njia ya mtandao kupitia tovuti ya sekretarieti; www.opcw.org
Imetolewa na:
Kitengo cha Mawasiliano ya Serikali,
Wizara ya Mambo ya Nje na Ushirikiano wa Afrika Mashariki,

FUATILIA KIPINDI CHA MASWALI NA MAJIBU BUNGENI LIVE

MKUTANO WA KUMI NA TANO, KIKAO CHA KUMI NA TANO – 24 APRILI, 2019 ASUBUHI

NALETWA KWAKO KWA HISANI YA BUNGE TV

"SUA NI MAHALA SALAMA KWA ELIMU BORA"JOHN PULLE.

"WAZAZI WATAMBUE WANAPOLETA MWANAFUNZI CHUO KIKUU CHA SOKOINE CHA KILIMO SUA KUWA NI MAHALA SALAMA,KWA MALAZI,CHAKULA  UANGALIZI NA ELIMU BORA KWA WATOTO WAO"JOHN PULLE.

Serengeti Boys kushuka uwanjani kesho kumenyana na Uganda

Na:Tatyana Celestine

Timu ya vijana chini ya miaka 17 Serengeti boys ya Tanzania inategemea kutua uwanjani hapo kesho kutetea nafasi yake dhidi ya timu ya Uganda .

akielezea kwa waandishi wa habari Kocha Mkuu wa Timu ya Taifa ya vijana ya Tanzania chini ya miaka 17 'Serengeti Boys' Oscar Mirambo amesema anategemea matokeo chanya baada ya kuisha mechi hiyo hapo kesho.



Serengeti ilifungua pazia la michuano hiyo kwa kucheza na Nigeria na kupokea kichapo cha mabao 5-4 mchezo uliochezwa uwanja wa Taifa, kesho itashuka uwanjani kumenyana na Uganda ambayo nayo pia ilipoteza mchezo wake wa kwanza dhidi ya Angola na ilifungwa bao 1-0.

Kocha Mirambo amebainisha kuwa vijana hao wameshafundishwa na kupewa mbinu mpya ukizingatia kwamba wamebakiwa na michezo miwili ili kumaliza mechi za makundi.


 "Tunajua tumeanza vibaya mashindano yetu ila hatujapoteza matumaini tumeyafanyia kazi makosa yetu tunaingia kibabe kupambana na wapinzani wetu Uganda.

"Ushindani upo nasi tumejipanga kuleta ushindani, mashabiki wajitokeze kwa wingi kuona namna tutakavyopeperusha Bendera ya Taifa," amesema Mirambo.

Pia kesho kutakuwa na mchezo kati ya Nigeria na Angola ambao utachezwa pia Uwanja wa Taifa.

 

WAZIRI MKUU Kassim Majaliwa amefungua mashindano ya AFCON U17 na kutangaza kuwa kuanzia kesho Watanzania wataingia bure

SUAMEDIA  Blog



WAZIRI MKUU Kassim Majaliwa amefungua mashindano ya AFCON U17 na kutangaza kuwa kuanzia kesho Watanzania wataingia bure


Ametoa kauli hiyo leo jioni (Jumapili, Aprili 14, 2019) kwenye ufunguzi wa michuano hiyo iliyoanza leo kwenye Uwanja wa Taifa jijini Dar es Salaam. 


Waziri Mkuu ambaye alikuwa mgeni rasmi kwenye ufunguzi wa michuano hiyo, aliambatana na Rais wa Shirikisho la Soka na barani Afrika (CAF), Ahmad Ahmad kukagua timu zilizofungua dimba na kisha akatangaza uamuzi huo wa Serikali. 

Timu zilizofungua dimba leo ni Serengeti Boys ya Tanzania na Nigeria. Katika mchezo wa leo Nigeria imeibuka kidedea baada ya kuifunga Tanzania mabao 5-4. Hadi mapumziko timu ya Nigeria ilikuwa ikiongoza kwa mabao 3-1.

Mabao ya Nigeria yalipatikana dakika ya 20, 29, 36, 71 na 78 wakati mabao ya Tanzania yalipatikana dakika ya 21, 51, 56 na 60 ambapo magoli mawili kati ya hayo, yalipatikana kwa njia ya penati.

Bao la kwanza la Tanzania lililofungwa na Alphonce Mabula Msanga lilitinga kimiani dakika ya 21. Bao la pili, lilipatikana dakika ya sita ya kipindi cha pili na lilifungwa na Kelvin Pius John.

Dakika tano baadaye, Morice Michael Abraham aliipatia Tanzania bao la tatu lililofungwa kwa njia ya penati. Kabla vijana wa Nigeria hawajakaa sawa, dakika nne nyingine, Edmund Godfrey John alitinga kimiani bao la nne, ambalo pia lililifungwa kwa penati.

Timu ya Tanzania iko kundi A na imepangwa na timu za Nigeria, Uganda na Angola. Michuano hii inatarajiwa kumalizika Aprili 28. Endapo timu hiyo ya Taifa ya vijana ya Serengeti Boys itaibuka na ushindi katika michezo yake miwili, itakuwa imekata tiketi ya kushiriki mashindano ya dunia kwa vijana wa umri wa miaka 17 yatakayofanyika mwakani huko Brazil.

Ni muhimu kuzingatia kanuni na taratibu wakati wa kukamua maziwa kuepusha madhara kwa mlaji - Dkt. Kussaga

Gerald Lwomile

Turiani-Mvomero

Wafugaji nchini wametakiwa kuhakikisha wanafuata misingi bora ya ukamuaji na uhifadhi wa maziwa ili kulinda afya ya mlaji na mnyama ikiwa ni pamoja na kudhibiti uwepo wa usugu wa dawa kama “antibiotics” na  kuepukana na Sumu Kuvu ambayo inaweza kuleta hasara kubwa kwa mlaji.

Ushauri huo umetolewa leo April 11 2019, na Mkuu wa mradi wa “LIQUID” unaofanyika  Chuo Kikuu cha Sokoine cha Kilimo SUA kwa upande wa Tanzania Dkt. Jamal Kussaga wakati wa warsha ya mafunzo ya namna bora ya kujiandaa, kukamua na kutunza maziwa iliyofanyika Turiani wilayani Mvomero mkoani Morogoro.

dkt kusaga

Dkt. Kussaga akiongea na washiriki wa warsha hawapo pichani wakati akisisitiza namna bora ya kuhakikisha ng'ombe anakamuliwa kwa kufuata taratibu zote (Picha na Gerald Lwomile)

Dkt. Kussaga amesema wafugaji wamekuwa wakikamua maziwa  wakati ng’ombe ametoka kupata matibabu kwa dawa za “antibiotics” na kuwapa walaji au kuuza maziwa hayo kabla ya masaa 72 jambo ambalo ni hatari kwa afya za walaji na hasa watoto, kinamama wajawazito na wazee.

“… ni muhimu kuhakikisha masaa 72 yanapita ndipo maziwa yaliyokamuliwa kutoka kwa ng’ombe aliyetibiwa kwa “antibiotics” yatumike kwa binadamu kwani matumizi mara baada tu ya mnyama kutibiwa yanaweza kuleta madhara ikiwemo mzio kwa watoto"

Naye Bw. James Ledo ambaye ni mwanafunzi wa Shahada ya Uzamivu yaani “PhD” katika Chuo Kikuu cha Wageningen cha nchini Uholanzi ambaye ndiye amefanya utafiti huo amesema wafugaji wengi wameshindwa kupata maziwa bora kutokana na kutofuata kanuni bora za maandalizi ya kukamu, tendo la kukamua na kuhifadhi maziwa.

picha ya james

Mwanafunzi wa Shahada ya Uzamivu Bw. James Ledo akisitiza jambo kwa wafugaji, kushoto ni mwanafunzi wa Shahada ya Uzamili  katika Idara ya Teknolojia ya Chakula, Lishe na Sayansi za Walaji Mary Odhiambo akitoa tafsiri ya mambo mbalimbali kwa wafugaji ( Picha na Gerald Lwomile)

Amesema endapo kanuni hizi zitafuatwa hakuna shaka kuwa watanzania watapa maziwa bora na salama  kwa afya zao na wafugaji wataiona faida katika ufugaji na hasa ng’ombe ambao yeye amefanya utafiti wa namna bora ya kupata maziwa bora na salama.

Nao wafugaji Janeth Daud, Daniel Sanane na Andrea Mkandawile pamoja na kushukuru kwa kupata mafunzo hayo wameiomba serikali kuangalia namna ambavyo wanaweza kupata vifaa mbalimbali vya kusaidia kupata maziwa bora na salama kwa bei nafuu.

picha ya wafugaji

Wafugaji wakifuatilia mafunzo yanayotolewa na Bw. James Ledo aliyesimama mbele katika warsha (Picha na Gerald Lwomile)

Wakizungumza katika semina hiyo wamesema endapo watapa vifaa hivyo ikiwa ni pamoja na mafuta ya kukamulia, dawa ya kuzuia chuchu za ng’ombe kupata ugonjwa wa kiwele na ndoo za chuma au aluminiam kwa bei nafuu basi hakuna shaka watafanikiwa kupata maziwa bora na salama.

Warsha ya mafunzo ya namna bora ya kupata maziwa bora na salama inafanyika kwa siku 3 kuanzia tarehe 10 April hadi 12 April Turiani wilaya Mvomero.

WAKULIMA WASHAURIWA KUTUMIA TEKNOLOJIA ZA KISASA AMBAZO ZITAWALETEA TIJA KATIKA MAVUNO YAO

Na: Farida Mkongwe

Wakulima nchini wameshauriwa kutumia mfumo wa kisasa wa kilimo cha mboga mboga na ufugaji wa samaki unaojulikana kwa jina la AQUAPONICS, mfumo ambao unamuwezesha mkulima kutumia eneo dogo la kilimo na kupata mavuno mengi.

technoloijia1

Wito huo umetolewa na Mtafiti Msaidizi katika Kitengo cha Samaki kilichopo Chuo Kikuu cha Sokoine cha Kilimo SUA Augustino Jacob wakati akizungumza na SUAMEDIA katika maonesho ya Kumbukizi ya 16 ya hayati Edward Moringe Sokoine yanayofanyika chuoni hapo.

Mtafiti huyo amesema mfumo huo wa AQUAPONICS umeanzishwa kwa ajili ya kumrahisishia mkulima hasa yule aliyekuwepo maeneo ya mjini kuweza kulima na kufuga katika eneo dogo la makazi yake na kujipatia mazao ya kutosha pasipo kuharibu mazingira yanayomzunguka.

teknoloijia2

Akizungumzia lengo la kuweka teknolojia hiyo ya kisasa katika maonesho hayo ya Kumbukizi ya hayati Sokoine, Mtafiti Msaidizi huyo kutoka Kitengo cha Samaki amesema ni kutoa elimu kwa wakulima ili waelewe namna ya kulima na kufuga bila ya kuchimba au kupanda mbegu ardhini.



Wizara ya Elimu, Sayansi na Teknolojia  imekipatia Chuo Kikuu cha Sokoine cha Kilimo SUA jumla ya shilingi milioni 750

Na: Catherine M. Ogessa

Wizara ya Elimu, Sayansi na Teknolojia  imekipatia Chuo Kikuu cha Sokoine cha Kilimo SUA jumla ya shilingi milioni 750 ili kiweze kufanya ukarabati wa karakana mbalimbali za uhandisi Kilimo, yote hayo ni katika kutambua kuwa, chuo hicho kina sehemu kubwa katika azma ya kuleta mapinduzi ya Kilimo.

habari1

Akifungu kumbukizi ya 16 ya kifo cha Hayati Edward Moringe Sokoine inayofanyika SUA, Katibu Mkuu wa Wizara ya Elimu, Sayansi na Teknolojia Dkt. LEONARD AKWILAPO amesema kuwa pesa hizo ambazo ni kupitia mradi wa kukuza ujuzi na stadi za kazi zinatolewa kwa SUA  ili karakana ziwe bora na ziendane na mwenye jina la Chuo Hayati Sokoine

Amesema kuwa kama nchi wanatekeleza kwa vitendo maono ya hayati Edward Moringe Sokoine ambaye aliongoza nchi hii kwa moyo wa uwajibikaji, kufuata sheria na hali ya kujitoa na pia alikuwa miongoni mwa wazalendo wakubwa waliowahi kuwepo nchini.

“Mtu mwenye tabia njema na kiongozi aliyejitoa muda mwingi kwa ajili ya maendeleo ya watu wake na nchi kwa ujumla…., katika kuadhimisha kifo chake, tuna kila sababu ya kutafakari mawazo yake ambayo yalichangia katika kujenga msingi kwa ajili ya maendeleo ya kiuchumi nchini”. Alisema Dkt. LEONARD AKWILAPO

habari2

Awali akimkaribisha mgeni rasmi Makamu Mkuu wa Chuo hicho Prof. Raphael Chibunda amesema Chuo cha SUA katika kumuenzi Hayati Edward Moringe Sokoine kimekuwa na kumbukizi tangu mwaka 1992 lengo likuwa ni kuyakumbuka mambo mazuri aliyoyafanya kwa maendeleo ya Tanzania, na kuyafanya maono yake kuwa hai kwaajili ya maendeleo ya taifa.

Miongoni mwa mambo ambayo wamekuwa wakiyafanya ni kuwa na mihadhara kutoka viongozi wa juu wa kitaifa, mihadhara ambayo imekuwa ikiakisi mambo ambayo Sokoine aliyafanya pamoja na maono yake katika maendeleo ya taifa.

“Kumbukizi ya mwaka huu inafanyika kwa namna tofauti ukilinganisha na zile za miaka iliyopita ……., Aidha chuo kimeandaa shughuli za maonesho za kazi za SUA pamoja na teknolojia zilizozalishwa chuoni hapa, kongamano la kisayansi pamoja na mdahalo wa kitaifa kuhusu kumbukizi ya hayati Ewdward Moringe Sokoine”. Alisema Prof. Chibunda.

habari3

Akielezea kuhusu uhusiano wa jina la SUA kuitwa Chuo Kikuu cha Sokoine cha Kilimo Prof. Chibunda amesema kuwa tarehe 11 April, mwaka 1984, Hayati Edward Moringe Sokoine alihutubia kikao cha Bunge mjini Dodoma ambapo pamoja na mambo mengine bunge lilipitisha muswada na kuwa sheria ya kuanzishwa kwa Chuo Kikuu  cha Morogoro cha Kilimo.

 pamooja

Ameongeza kuwa wakati akitokea Dodoma April 12, 1984 alipata ajali mkoani Morogoro eneo la Wami Dakawa na kufariki ndipo  baadae uongozi mpya wa chuo kikuu cha Morogoro kiliomba Serikali kuridhia mabadiliko ya jina la chuo kipewe jina la Sokoine kama njia mojawapo za kumuenzi kwa jitihada alizokuwa akizifanya.

Aidha Serikali iliridhia ombi hilo na Chuo Kikuu cha Sokoine cha Kilimo SUA kikazaliwa na kuanza rasmi mwezi Agosti 1984 na hii ni kutoka na ushiriki wake wa kiwango cha juu katika maendeleo ya taifa kupitia Nyanja ya kilimo.

kahimba

Akitoa shukrani kwa mgeni rasmi Naibu wa Makamu wa Mkuu wa Chuo Utawala na Fedha Prof. Fredirick Kahimba ameshukuru kwa kupatiwa pesa hizo milioni 750 na kuahidi kuzitumia vyema kwaajili ya kuzifanya karakana za SUA kuwa za vitendo zaidi na kuweza kufanya mambo makubwa katika kuleta mageuzi ya Kilimo.

 

FUATILIA KUMBUKIZI HIZO MUBASHARA KUPITIA SUAMEDIA ONLINE TV KWENYE YOUTUBE, USIACHE KUSUBSCRIBE NA SHARE

 

KATIBU MKUU WIZARA YA ELIMU, SAYANSI NA TEKNOLOJIA AFUNGUA RASMI KUMBUKIZI LA SOKOINE

Katibu Mkuu wa Wizara ya Elimu, Sayansi na Teknolojia, Bw. Leonard Akwilapo amefungua rasmi Juma la kumbukizi ya Hayati Edward Moringe Sokoine katika Kampasi Kuu ya Chuo Kikuu cha Sokoine cha Kilimo leo terehe 10/04/2019.

Kabla ya kuanza shughuli za ufunguzi Bw. Akwilapo alipata fursa ya kutembelea mashamba ya kujifunzia wanafunzi pamoja na wananchi kwa ujumla pamoja na kutembelea mabanda ya maonesho ya Teknolojia na ubunifu kutoka kwa washiriki kutoka SUA pamoja na nje ya SUA na kujifunza mambo mbalimbali kutoka kwa wanataaluma na wanafunzi. Sambamba na shughuli hizo, pia ameshiriki Kongamano la Kisayansi mara baada ya ufunguzi huo.

sokoine1Katibu Mkuu wa Wizara ya Elimu, Sayansi na Teknolojia, Bw. Leonard Akwilapo akiongozana na Makamu wa Mkuu wa Chuo Kikuu cha Sokoine cha Kilimo (SUA) ,PROF. Raphael Chibunda katika kutembelea mashamba ya Chuo kabla ya ufunguzi wa Kumbukizi za Hayati Edward Moringe Sokoine.sokoine2PROF. Raphael Chibunda akiongea wakati wa  ufunguzi wa Kumbukizi za Hayati Edward Moringe Sokoine.sokoine3

kumbukizi hizo zinaoneshwa MUBASHARA kupitia suamedia online TV, karibu KUSBSCRIBE na KUSHARE. 

Uongozi wa Rais Magufuli ni kama Sokoine kazaliwa upya-Chibunda

Farida Mkongwe

Morogoro

Wakazi wa mkoa wa Morogoro na watanzania kwa ujumla wametakiwa kumuenzi Hayati Edward Moringe Sokoine kwa kupiga vita rushwa pamoja na kuacha tabia ya kutaka mafanikio pasipo kufanya kazi zao kwa bidii na maarifa.

Wito huo umetolewa na Makamu wa Mkuu wa Chuo Kikuu cha Sokoine cha Kilimo SUA Prof. Raphael Chibunda wakati akizungumza kwenye kipindi cha Jambo Tanzania kinachorushwa na Televisheni ya Taifa TBC kuhusu kumbukizi ya miaka 36 ya Edward Moringe Sokoine.

Prof. Chibunda amesema Hayati Sokoine japokuwa hayupo duniani lakini vitendo vinavyofanywa na Rais Magufuli tangu kuingia madarakani ni kama kiongozi huyo amezaliwa upya kwani Rais Magufuli kwa kiasi kikubwa amekuwa akiyatekeleza kwa vitendo yale yote mazuri aliyoyaacha Sokoine ikiwemo kupiga vita rushwa na vitendo vya uhujumu uchumi.

Sokoine University

Makamu wa Mkuu wa Chuo Kikuu cha Sokoine cha Kilimo SUA Prof. Raphael Chibunda (katikati), Rasi wa Ndaki ya Sayansi na Insia Dkt. Samwel Kabote (kulia) wakiwa katika kipindi cha Jambo kwa mahojiano TBC (Picha kwa hisani ya ofisi ya Mawasiliano na Masoko SUA)

Akizungumzia kuhusu kumbikizi ya Sokoine itakayofanyika SUA kuanzia tarehe 9 hadi 12 mwezi huu Prof. Chibunda amewataka wananchi wafike kwa wingi chuoni SUA ili kupata elimu kuhusu teknolojia mbalimbali ambazo zitawanufaisha wakulima kwani wataweza kujifunza kupitia mashamba darasa yaliyopo SUA.

Kwa upande wake Rasi wa Ndaki ya Sayansi na Insia kutoka SUA Dkt. Samweli Kabote amewathibitishia wananchi kuwa mwaka huu SUA imejiandaa kwa kiasi kikubwa kuhakikisha teknolojia zitakazooneshwa zikiwemo za panya wanaotambua mgonjwa wa kifua kikuu na kubaini mabomu yaliyofichwa ardhini zinawanufaisha wakulima na taifa kwa ujumla.

Subcategories

Page 10 of 48