Naibu Waziri wa Kilimo Mhe. Hussein Bashe amekitaka Chuo Kikuu cha Sokoine cha Kilimo SUA na wataalamu wake kuisaidia serikali kukifanya kilimo kiwe na mvuto

Naibu Waziri wa Kilimo Mhe. Hussein Bashe amekitaka Chuo Kikuu cha Sokoine cha Kilimo SUA na wataalamu
wake kuisaidia serikali kukifanya kilimo kiwe na mvuto ili watanzania hasa vijana waweze kuingia kwenye sekta hiyo.

Mh. Bashe ameyasema wakati wa ziara yake ya kikazi chuoni hapo kwa lengo la kuzungumza na wataalamu wa chuo
hicho na kuwakumbusha mchango wao katika kusaidia kutatua changamoto za sekta ya kilimo na kuwezesha serikali ya viwanda.
Amesema kuna haja kubwa ya taasisi zote zikiwemo Taasisi za Utafiti Tanzania (TARI), Wakala wa Mbegu Tanzania (ASA) na
Taasisi ya Udhibiti wa Ubora wa Mbegu nchini (TOSCI) kushirikiana na kuwa na malengo ya pamoja ya kuhakikisha kilimo cha
Tanzania kinakuwa na faida ya kutosha.

Mhe. Bashe amesema huwezi kuzungumzia Tanzania ya Viwanda bila kuitaja SUA kwa maana ya wataalamu, utafiti na kuzalisha
wataalamu ambao ndio wanaosaidia kuwafanya wakulima waweze kuzalisha kwa tija.
Akitoa shukrani kwa Mhe. Bashe, Makamu wa Mkuu wa  Chuo hicho Prof. Raphael Chibunda ameiomba serikali kuangalia
namna ya kutengeneza mazingira wezeshi balada ya kuwa na Sheria kandamizi kwenye usimamizi wa shughuli mbalimbali za
kilimo na mifugo nchini.

Akizungumzia suala la maafisa ugani amesema kuna kazi ya kubadilisha mitazamo ya maafisa ugani na wakulima ili waone
umuhimu wa kushirikiana na kutumia utaalamu walio nao maafisa ugani ili kufikia Tanzania ya viwanda.


WAKATI HUO HUO,
Naibu Waziri wa Kilimo Mh. Omary Mgumba kesho siku ya Ijumaa tarehe 11 Oktoba, anatarajiwa kuwa mgeni rasmi kwenye
mdahalo wa maadhimisho ya siku ya chakula duniani kwa mwaka 2019 utakaofanyika katika Kampasi Kuu ya Chuo Kikuu cha
Sokoine cha kilimo SUA mkoani Morogoro
Makamu Mkuu wa chuo hicho Profesa Raphael Chibunda amewakaribisha wadau wote wa kilimo kushiriki kwenye mdahalo huo
muhimu utakaoanza majira ya saa 3 asubuhi.

Kauli mbiu ya maadhimisho ya siku ya chakula dunia kwa mwaka huu ni  “MATENDO YETU, HATMA YETU. LISHE BORA KWA ULIMWENGU USIO NA NJAA”.

SUA YATAMANI WATANZANIA KUJITOSHELEZA KWA KITOWEO CHA SAMAKI

WhatsApp Image 2019 10 08 at 6.35.19 AM

Mwakilishi wa Mkurugenzi wa ICE Dr. Babili (katikati),Prof. Sebastian Chenyambuga na washiriki wa mafunzo katika picha ya pamoja baada ya kufungua mafunzo ya ufugaji wa samaki ambayo yanafanyika Chuo Kikuu Cha Sokoine Cha Kilimo SUA .(PICHA NA GERALD LWOMILE)

Chuo Kikuu cha Sokoine cha Kilimo SUA kupitia Taasisi ya Elimu ya Kujiendeleza ICE kimesema kinatamani kuona watanzania wanajitosheleza katika upatikanaji wa kitoeo aina ya samaki.

Hayo yamesemwa leo Octoba 7, 2019, na Dkt. Innocent Babili ambaye amemuwakilisha Mkurugenzi ICE Prof. Dismas Mwaseba wakati akifungua mafunzo ya ufugaji wa samaki ambayo yanafanyika Chuo Kikuu Cha Sokoine Cha Kilimo SUA .

Dkt. Babili amesema wafugaji wa samaki Tanzania ambao wamepata fursa ya kujifunza ufugaji wa samaki   kama watayaweka kwa vitendo nchi inaweza kujitosheleza kwa kitoweo na kukuza uchumi wa nchi na kipato katika jamii.

Dkt.Babili ameongeza kuwa ya ICE ambayo ndiyo imeandaa mafunzo hayo ni kiunganishi kati ya chuo na jamii kwa lengo la kusaidia kupata matokeo mbalimbali ya tafiti, ubunifu na teknolojia mbalimbali na kuweza kuziweka kwa vitendo.

Nae mmoja wa wakufunzi wa mafunzo hayo Prof. Sebastian Chenyambuga kutoka Idara ya Sayansi za Wanyama,Ufugaji wa Viumbe Majini na Nyanda za Malisho amewashauri wadau wa mafunzo hayo kutumia mbinu bora za ufugaji wa samaki kwa kutumia vyanzo mbalimbali kama vile mabwawa ya asili, mabwawa ya kuchimbwa na vizimba ili kupata mavuno yaliyo bora ya samaki.

Wakizungumzia mafunzo hayo baadhi ya washiriki akiweno Bw.Albert Lusekelo na Bibi Debora Twebe wote kutokea jijini Dar-es-salaam wamesema wengi wao wamezoea kufuga samaki kienyeji hivyo, mafunzo hayo yanaenda kupelekea kufuga samaki kisasa kwa ajili ya biashara ili ufugaji wa samaki uwe endelevu kutokana na kuongeza kwa watumiaji wa samaki.

Naye, Bi.Debora Twebe kutoka Dar-es-salaam ameeleza kuwa mafunzo hayo yatamsaidia kuweza kupata fursa ya biashara ndani na nje ya nchi kutokana na mbinu mbalimbali za kuzitumia ambazo amezipata katika mafunzo hayo ya ufugaji wa samaki

VIONGOZI WAMEASWA KUKATAA KUTUMIKIWA BALI KUSIKILIZA NA KUTATUA CHANGAMOTO

Na: Mwandishi wetu
Viongozi  wameaswa kukataa kutumikiwa na kuwaogopesha watumishi wao, hivyo wameshauriwa kuwasikiliza
na kutatua changamoto mbalimbali za watumishi na wateja wao pindi wanapoleta shida zao. 

Wito huo umetolewa na Naibu wa Makamu Mkuu wa Chuo Kikuu cha Sokoine cha Kilimo  (Utawala na Fedha)
Mstaafu, Prof. Yonika Ngaga wakati akipokea zawadi ya Ngao ya Utumishi uliotukuka katika hafla fupi ya
kumkaribisha rasmi  ndani ya Ndaki ya Misitu, Wanyamapori na Utalii iliyofanyika tarehe 02 Oktoba 2019
katika viwanja vya Ndaki hiyo chuoni SUA.
Akitoa shukrani kwa  uongozi na watumishi wote  wa Ndaki ya Misitu, Wanyamapori na Utalii , Prof. Ngaga
amesema amefurahishwa na mapokezi aliyoyapata, hivyo ameahidi kushirikiana vyema na Ndaki hiyo ili kuweza
kuleta tija na maendeleo husika.
Kwa upande wake   Naibu Makamu wa Mkuu wa Chuo (Taaluma) Prof. Peter Gillah amempongeza Rasi wa
Ndaki ya Misitu, Wanyamapori na Utalii, Prof.   John Kessy kwa utaratibu anaoufanya wa kutambua juhudi za
viongozi wanaotoka katika ndaki hiyo na ameshauri utaratibu huo uendelee kwa sababu unaleta faraja na
ushirikiano katika kazi za kimaendeleo chuoni humo.
Na pia amempongeza Prof. Ngaga kwa uongozi mzuri katika  kipindi chote cha uongozi wake akiwa kama
Naibu Makamu wa Mkuu wa Chuo (Utawala na Fedha) 2014-2018.
Kwa upande wa Prof. Kessy ametoa shukrani kwa wote walioshiriki katika kubadhibhi zawadi hiyo na pia
ameahidi kuendeleza utamaduni huo ili kuongeza ushirikiano na maendeleo chuoni SUA.

 

                                                  

WAKULIMA WAMETAKIWA KUPIMA UDONGO ILI KUJUA ZAO NA MBOLEA INAFOFAA KABLA YA KULIMA

Mtafiti Kiongozi wa Tathimini ya Rasilimali Ardhi  nchini Dkt. Sibawei Mwango kutoka Kituo cha Utafiti wa kilimo TARI Mlingano cha Mkoani Tanga
Wakulima na wale wanaohitaji kuingia kwenye kilimo wametakiwa kuhakikisha wanapima udongo kwanza ili kujua zao na aina ya mbolea inafofaa kwakuwa sio kila zao linastawi kwenye kila udongo na kila mbolea inawekwa kwa kila zao.

Wito huo umetolewa na Mtafiti Kiongozi wa Tathimini ya Rasilimali Ardhi  nchini Dkt. Sibawei Mwango kutoka Kituo cha Utafiti wa kilimo TARI Mlingano cha Mkoani Tanga wakati akiongea na Waandishi wa habari na watafiti waliotembelea kituoni hapo kujifunza kazi mbalimbali zinazofanywa na watafiti wa kituo hicho katika kusaidia wakulima nchini.

Dkt. Mwango amesema watu wengi wanaoingia kwenye kilimo huwa kitu cha kwanza wanaangalia wapi waatapata mbegu, madawa na Mbolea lakini hawaangalii hiyo mbegu na mbolea wanakwenda kuipanda wapi bila kujua kuwa aina ya udongo wa shamba lake unafaa kulimwa zao gani na unahitaji mbolea gani.
“Mafanikio yote ya Kilimo yanaanza kwa mkulima kujua udongo wake kwa sababu si kila udongo unafaa kila zao maana kila zao lina udongo unaofaa lakini pia sio kila mbolea inafaa kwenye kila zao na hapo ndio wakulima wengi wanakwama na kufanya kilimo hakiendi mbele japokuwa kuna tafiti nyingi za mbegu,Mbolea na Madawa zinazalishwa kila siku na watafiti nchini” Alisisitiza Dkt. Mwango.

Dkt. Mwango amesisitiza kuwa Kila udongo una mbolea zake ambazo zikitumika vyema zinaweza kumpatia mkulima tija na pale mkulima napokosea na kuweka mbolea isyofaa kwenye udongo Fulani hupelekea kupunguza tija na hata kupata hasara kabisa.
“Kwa hapa Tanzania tuna mbolea za aina mbili ambazo ndizo zinatumiwa sana na wakulima wengi kitu ambacho sio sahihi maana kila zao lina mbolea yake kutegemeana na nini unachotaka kuzalisha, mfano unalima miwa ili kupata sukari wewe unaweka mbolea ya yurea ambayo kazi yake ni kuzalisha majani wakati wewe unataka sukari ya kutosha na utakapopeleka kiwandani watapima wingi wa sukari na kwenye muwa na sio ukubwa wa muwa” Alifafanua Dkt. Mwango.
Mtafiti huyo Kiongozi wa tathimini ya rasilimali ardhi  katika kituo cha utafiti wa Kilimo cha TARI Mlingano amesema hivi saa watu wengi wanaingia kwenye kilimo maana kimekuwa ni biashara hivyo Wanahabari watumie vyombo vyao kuwaelekeza wakulima wa wadau wengine umuhimu wa kulima kilimo bora cha kisasa na kinachozingatia mbinu zote za kilimo.
Kwa upande wake Mkuu wa kituo hicho ya TARI Mlingano Dkt. Catherine Senkoro amesema kuwa kituo hicho ndicho kilichopewa dhamana ya kitaifa ya kufanya tafiti za rasilimali ardhi kwenye maeneo yanayolimwa na baada ya tafiti hizo wanatoa mapendekezo ya namna ya kutumia vizuri ili kuhakikisha kilimo kinakuwa endelevu.
“Tunatoa matumizi sahihi ya mbolea, Nmana ya kutunza vizuri mazingira kama ni maeneo ya milima na hata haya ya kawaida na kila wakati mapendekezo hayo tunayotoa tunayatathimini upya kwa sababu wakulima wanayatumia kila wakati na hivyo kila baada ya miaka mitatu afya ya udongo  inawezekana ikawa imebadirika”. Alifafanua Dkt. Senkoro.
Mkuu wa kituo hicho ya TARI Mlingano Dkt. Catherine Senkoro akielezea utafiti unaofanywa na kituo chake
kwenye maswala ya udongo kwa Waandishi wa Habari.
Dkt. Senkoro amesema kituo hicho kimewza kutoa ramani inayoonyesha aina za udogo zilizopo Tanzania lakini hivi karibuni pia wameweza kufanya utafiti wa kujua afya ya udongo ilivyo kwa sasa nchini na kutoa ramani mbili, moja ikionyesha hali halisi ya kemikali ya udongo yaani (Soil Ph) na nyingine ni hali halisi ya Mboji au rutuba na hivyo zitasaidia kwenye kuweka mipango mbalimbali kama nchi ya kuboresha na kuinua sekta ya kilimo.
“Lakini pia tumetoa maendekezo mbalimbali ya mbolea maaana kila wakati tunatakiwa kufanya hivyo kwahiyo tunamapenendekezo ya mbolea toka mwaka 1983, tukafanya tena mwaka 1993, alafu tunatoa tena mwaka 2014, na mwaka 2017 tumetoa tena mapendekezo mengine ya mbolea katika mazao 14 na tunayatumia kwenye maeneo mbalimbali na tunafanya vizuri” Alibainisha Dkt. Senkoro.
Amesema na sasa wanashirikiana na wadau wengine maana ile tathimini waliyoifanya wameona upungufu wa virutubisho vingi lakini wakulima wanatumia mbolea aina mbili ya  Yurea na DAP na kwakuwa kila mwaka wakulima wanalima virutubisho vingine vinapungua kwenye udongo maana udongo ni kama stoo ya virutubisho.
Amesema ktika kuonyesha hilo kwa vitendo wameweka mashamba darasa ya matumizi ya mbolea kwenye halmashauri 29 nchini  na OCP Afrika ambao wanafanya nao kazi wanaamini sasa mbolea mbalimbali zinazohitajika kwenye eneo husika zinapatikana maana mahitaji yamekuwa makubwa kwenye maeneo ambayo wameweka mashamba darasa ya matumizi ya mbolea mbalimbali wanazopendekeza.

Watafiti kituo cha Utafiti wa mifugo cha TALIRI Tanga wamegundua aina ya maharage yenye kiwango sawa cha protini na soya

Watafiti kituo cha Utafiti wa mifugo cha TALIRI Tanga wamegundua aina ya maharage meupe (canavaria ensiformis) yenye kiwango cha protini sawa na kile kilicho kwenye soya ili
kusaidia kuongeza upatikanaji wa kirutubisho hicho kwa wazalishaji wa chakula cha mifugo.

Akizungumza na Waandishi wa habari kutoka Kanda ya Mashariki waliokuwa kwenye mafunzo ya Uandishi wa habari za sayansi yaliyoandaliwa

na Tume ya Taifa ya Sayansi na Teknolojia COSTECH,Mkurugenzi wa kituo hicho Dkt. Zabron Nziku amesema kupatikana kwa aina hiyo ya mbegu

ya maharage ni mkombozi kwa wafugaji nchini.

Amesema kwa miaka mingi waqzalishaji wa chakula cha mifugo na wafugaji wamekuwa wakitumia Soya kama chanzo cha Protini kwenye chakula cha
wanyama lakini pia imekuwa ikitumiwa na binadamu kwa kiasi kikubwa kama chanzo cha protini lakini sasa kupatikana canavalia ensiformis
kutapunguza kutumia soya kwenye chakula cha mifugo.
“Haya ni mbadala wa soya yana kiwango sawa na soya na kwa wale wenye viwanda vya kutengeneza vyakula vya mifugo mbalimbali tunachokifanya ni
kuzalisha kwa wingi na kuwauzia na haya majani yake ambauyo ni chakula pia ambacho ukichanganya na maharage haya unapata pilau kwa mnyama
kama ilivyo pilaukwa binadamu ” Alisistiza Dkt. Nziku.
Dkt. Nziku amesema pamoja na kuwa na  sifa sawa na Soya Kwenye kiwango cha Protini lakini pia Maharage hayo meupe waliyogundua yana umbo kubwa
ikilinganishwa na Soya lakini pia yanaza sana na hivyo kuwezesha wazalishaji wa malisho na chakula cha mifugo kuzalisha kwa wingi katika ekari.
 
 
 
 
 
 
 
 
 
 
 
 
 
 
 
Kwa upande wake Flora Lukindo ambaye ni meneja wa uzalishaji wa teknolojia kituoni hapa amesema kuwa kwa mbegu hizo wafugaji wamezichangamkia
sana na kwakuwa zinaweza kuchangwa kwenye chakula cha kuku na nguruwe ambapo kwa mifugo inayocheua wanakula majani lakini kwa ile isiyocheua
wanakula mbegu hizo.

Watafiti nchini wametakiwa kutumia vyombo vya habari nchini katika kufikisha matokeo ya tafiti zao

Watafiti nchini wametakiwa kutumia vyombo vya habari hapa nchini katika kufikisha matokeo ya tafiti zao ili ziweze
kuleta tija badala ya kuzitoa kwenye majarida ya kisayansi ya kimataifa ambayo hayasomwi na watanzania wengi ambao
ndio walengwa wa tafiti hizo.
Kaimu Mkurugenzi wa kituo cha utafiti wa magonjwa ya binadamu  NIMR Amani cha Jijini
Tanga Dkt. Patrick Tungu wakati akiongea na waandishi wa habari kutoka Kanda ya Mashariki
Wito huo umetolewa Kaimu Mkurugenzi wa kituo cha utafiti wa magonjwa ya binadamu  NIMR Amani cha Jijini Tanga
Dkt. Patrick Tungu wakati akiongea na waandishi wa habari kutoka Kanda ya Mashariki walitembelea kituo hicho wakiwa
kwenye mafunzo kwa vitendo ya namna ya kuandika habari za sayansi yaliyoandaliwa na Tume ya Taifa ya sayansi na teknolo
jia.
Amesema kuna kazi nyingi zinafanywa na watafiti nchini lakini matunda yake hayaonekani vizurio kwa jamii na hivyo
mpango huo wa COSTECH unasaidia kuwezesha tafiti hizo kuweza kutoa mchango wake kwa jamii na taifa.
Kaimu Mkurugenzi huyo amesema NIMR Amani pia ni moja kati ya Taasisi muhimu ambayo imefanya tafiti ntingi lakini
kwa sehemu kubwa matokeo ya tafiti zao zimekuwa zikichapishwa kwenye majarida ya kisayansi ya kimataifa hivyo
kufuatia mafunzo hayo ya COSTECH sasa wataanza kushirikiana na Waandishi wa vyombo mbalimbali vya habari nchini
katika kazi zao.
Kaimu Mkurugenzi wa kituo cha utafiti wa magonjwa ya binadamu  NIMR Amani cha Jijini Tanga Dkt. Patrick Tungu wakati akiongea na waandishi wa habari kutoka Kanda ya Mashariki
Akizungumzia kituo chake Dkt.Tungu amesema kituo hicho kinasifika sana katika tafiti za udhibiti wa magonjwa yaenezwayo
na wadudu lakini pia kwenye tafiti za tabia,Biolojia mazingira ya wadudu waenezao magonjwa na namna ya kuwadhibiti.
Amesema moja kati ya utafiti muhimu ambao wameweza kuufanya na kuwa na mafanikio makubwa ni pamoja na ule wa
matumizi ya neti za kuzuia Mbu zilizowekwa dawa  (ITN) kwani matokeo yake yameleta faida kubwa na sifa ndani ya nchi
hadi jumuiya za kimataifa na Shirika la afya duniani WHO katika miaka ya 1990 na kuifanya kuwa sera. 
“Tunashinda marelia maana inaporomoka kwa zaidi ya asilimia 20 na ukiangalia hapo awali tulikuwa na asilimia 80 lakini
imeshuka hadi kwenye asilimia 20 hivyo tunajivunia kuona NIMR tunachangia katika kuondoa ugonjwa huu kwahiyo tafiti
zinazotoka hapa zimekuwa sio msaada tu kwa Tanzania pekee bali dunia kwa ujumla” Alisema Dkt. Tungu.
Amesema pia wamekuwa wakifanya tafiti juu ya usugu wa wadudu kwenye matumizi ya dawa ambapo waliwezesha kutoa
mapendekezo ya kubadilishwa kwa dawa mfano za malaria kutoka kwenye klorokwini, SP na  sasa Dawa mseto.
Kaimu Mkurugenzi huyo wa kituo cha NIMR Amani amesema pia wameweza kufanya tafiti ambazo zimewezesha kuboresha
mifumo ya afya hapa nchini na hivyo kusaidia katika eneo hilo muhimu katika sekta ya afya.

Subcategories

Page 2 of 52