HABARI MPASUKO:Robert Mugabe amefariki dunia

Rais wa zamani wa Zimbabwe, Robert Mugabe amefariki dunia.

images

Mmoja wa wanafamilia ameithibitishi, Robert Mugabe amefariki dunia akiwa na miaka 95.

Mugabe alikuwa nchini Singapore akipokea matibabu kwa muda mrefu.

Ameiongoza Zimbabwe kutoka 1980 mpaka 2017, alipong'olewa madarakani na makamo wake kwa msaada wa jeshi.

Rais wa Zimbabwe Emmerson Mnangagwa tayari amethibitisha kupitia mtandao wa twitter juu ya taarifa za kifo hicho.

"Kamarada Mugabe alikuwa ni mwanga wa mapinduzi, mwana umajui wa Afrika ambaye aliyatoa maisha yake katika ukombozi na kuwawezesha watu wake. Mchango wake kwa taifa letu na bara (la Afrika) hautasahaulika..." ameandika Mnangagwa.

Taarifa zaidi zitaendelea kukujia.

TANAPA YAMPA TUZO MTAFITI WA SUA KWA UTAFITI BORA WA WANYAMAPORI

Kamishna Msaidizi wa Uhifadhi TANAPA,  Bw. Godwell Ole Meing’ataki amekishukuru  Chuo Kikuu cha Sokoine cha Kilimo,SUA kwa mchango
mkubwa wanaoutoa kwa Shirika la Hifadhi za Taifa (TANAPA).
Kamishna Msaidizi wa Uhifadhi  TANAPA,Bw. Ole Meing’ataki akimkabidhi tuzo   Prof. Rudovick Kazwala kutoka Ndaki ya Tiba ya
wanyama na sayansi za afya yaChuo Kikuu cha Sokoine cha Kilimo,SUA
 
Kamishna Ole Meing’ataki ameyasema hayo katika hafla fupi ya kukabidhi tuzo kwa   Prof. Ludovick Kazwara kutoka Ndaki ya Tiba ya wanyama na sayansi za
afya ya Chuo Kikuu cha Sokoine cha Kilimo,SUA iliyofanyika chuoni hapo.
Akikabidhi tuzo hiyo Kamishna Msaidizi wa uhifadhi  TANAPA,Bw. Ole Meing’ataki amekipongeza Chuo pamoja na Uongozi  kwa kupata tuzo hiyo, Pia kwa
mapokezi waliyofanya ambayo yameweka alama ya ushirikiano na umoja katika utendaji kazi nchini.
Amesema Tuzo hizo zinazotambulika kama TANAPA TOURISM AWARDS na ndio mara ya kwanza kutolewa zikiwa na vipengele mbalimbali
ikiwemo  cha kushindania Utafiti uliofanyika kwa muda mrefu ambao umebeba taarifa nyingi zilizosaidia katika Utalii. 
Amesema  kipengele hicho ndicho ambacho   Prof. Rudovick Kazwala ameibuka kinara kutoka kutoka Chuo Kikuu cha Sokoine cha Kilimo, SUA. 
Akipokea tuzo hiyo Prof. Kazwala amesema amefurahi sana  kupata tuzo hiyo na hivyo kushauri wadau na wananchi kulinda hifadhi na vivutio mbalimbali
vya Taifa ili vizazi vijavyo viweze kunufaika na rasilimali hizo.
Amesema Tuzo hiyo ni ishara kwamba Chuo Kikuu cha Sokoine cha Kilimo SUA kina mchango mkubwa katika kusaidia uhifadhi wa wanyama na vivutio
vingine vya taifa.
Pia mshindi huyo wa tuzo hiyo  ameomba tafiti zinazolenga kuboresha afya za Wanyamapori na mimea zipewe kipaumbele ili kuweza kuleta tija kwenye
uhifadhi na  utalii nchini.
Awali akizungumza kabla ya kumkaribisha Naibu kamishna huyo Makamu wa Mkuu wa Chuo Prof. Raphael Chibunda amesema tuzo hiyo ni heshima kwa
Mtafiti mwenyewe lakini pia ni hehima kwa Chuo.
Amewapongeza TANAPA kwa kutoa zawadi hizo kwa watu waliochangia kwenye kazi mbalimbali za kutunza na kuhifadhi utalii wa Tanzania kwani inaongeza
chachu ya watafiti na watu wengine kushiriki kwenye kutunza maliasili hizo za taifa.

Prof. Kazwara  ni mtafiti mzawa aliyebobea  ambaye amefanya tafiti ndani ya hifadhi za wanyamapori hasa  tafiti zinazolenga afya za wanyamapori nchini amepata tuzo hiyo kutokana na mchango wa tafiti hizo kwenye masuala ya utalii nchini. 

Uteuzi aliofanya Rais Magufuli jioni ya September 2, 2019

magufulib

Rais wa Jamhuri ya Muungano wa Tanzania, Dkt. John Pombe Magufuli amemteua Prof. Fredrick Cassian Kahimba kuwa Mkurugenzi Mkuu wa Shirika la Uhandisi na Usanifu Mitambo Tanzania (TEMDO).

Taarifa iliyotolewa na Katibu Mkuu Kiongozi Balozi John Kijazi imeeleza kuwa uteuzi wa Prof. Kahimba umeanza 31 Agosti, 2019.

Kabla ya uteuzi huo, Prof. Kahimba alikuwa Profesa Mshiriki na Naibu Makamu Mkuu wa Chuo (Utawala na Fedha), Chuo Kikuu cha Kilimo cha Sokoine (SUA) Mkoani Morogoro.

Prof. Kahimba amechukua nafasi hiyo iliyokuwa wazi.

SUA YATEKELEZA AGIZO LA MHE. MAGUFULI KWA KUNUNUA MABASI MAWILI YENYE THAMANI YA SH. MIL .406.

 Na: Sada Mkwizu

Makamu wa Mkuu wa Chuo Kikuu cha Sokoine cha Kilimo (SUA)  Prof. Raphael Chibunda leo tarehe 23 August, 2019

amepokea na kuzindua rasmi mabasi mawili aina ya TATA yenye thamani ya shilingi. Mil. 406 yaliyonunuliwa

kutokana na mapato ya ndani ya chuo kufuatia agizo la Mhe. Rais  Dkt. John Pombe Magufuli la mwaka 2018.

Prof. Raphael Chibunda akikata utepe kwa kuzindua mabasi aina ya TATA katika Chuo Kikuu cha Sokoine
cha Kilimo SUA.(Picha na Gerald Lwomile) 
Akizindua mabasi hayo Prof. Chibunda amewashukuru wale wote waliohusika kufanikisha kununuliwa kwa
mabasi hayo na kusema kuwa yatasaidia kutatua changamoto ya usafiri kwa wanafunzi  iliyokuwa ikiwakabili
kwa muda mrefu.
Mabasi aina ya TATA yaliyozinduliwa Chuo Kikuu cha Sokoine cha Kilimo SUA. (Picha na Gerald Lwomile) 
Aidha amewataka madereva, mafundi, wanafunzi na wafanyakazi kuyatunza mabasi hayo na kuhakikisha
yanatumika kuleta maendeleo na wepesi wa utendaji kazi kwa vitendo kwa wanafunzi na chuo kwa ujumla.
Prof. Raphael Chibunda akizindua mabasi yaliyonunuliwa kwa mapato ya ndani ya chuo Kikuu cha
Sokoine cha Kilimo SUA.(Picha na Gerald Lwomile) 

 
Katika picha ya pamoja Makamu wa Mkuu wa Chuo Prof. Raphael Chibunda katikati pamoja na
Menejiment ya chuo mara baada ya kuzindua mabasi yaliyopokelewa.(Picha na Gerald Lwomile).

Subcategories

Page 4 of 52