Mhe. George Simbachawene awapongeza Watafiti wa SUA kwa kusimamia Afya ya Vyura wa Kihansi

Na: Calvin E. Gwabara
Waziri wa nchi  Ofisi ya Makamu wa Rais Muungano na Maizngira Mhe. George
Simbachawene amepongeza kazi kubwa inayofanywa na watafiti wa Chuo Kikuu
cha Sokoine cha Kilimo (SUA)  katika kuhakikisha vyura wa Kihansi wanaendelea
kuhifadhiwa pamoja na Biyoanuai zote zilizopo katika eneo hilo la Kihansi.
IMG 0381
Prof. Gerald Misinzo (kushoto) akitoa maelezo kwa Mhe. George Simbachawene (kulia)
na Prof. Raphael Chibunda (katikati) wa Chuo Kikuu cha Sokoine cha Kilimo (SUA)
alipotembelea Chuo Kikuu cha Sokoine cha Kilimo (SUA).
Ametoa pongezi hizo wakati wa ziara yake chuoni hapo na kupata taarifa ya kazi
zinazofanywa na watafiti wa SUA kwa kushirikiana na wadau wengine katika kulinda
mazingira na viumbe katika eneo hilo la bwawa la kihansi kabla ya kutembelea kuona
hali halisi katika eneo hilo.

Mhe. Simbachawene ambaye ameambatana na Mwenyekiti wa bodi ya NEMC
nawataalamu wengine kutoka Chuo Kikuu cha Dar es salaam na wizara yake
amesema swala kubwa linalopaswa kuzingatiwa katika kazi hiyo ni kuhakiksha
zinapatikana njia endelevu za kutunza bayoanuai zote katika eneo hilo la Kihansi
badala yakufikiria kutumia fedha nyingi katika kutunza vyura peke yake.
Amewataka wataalamu hao wote wanaoshiriki katika kulinda na kutunza eneo hilo
kukaa pamoja na kutengeneza andiko ambalo litaonyesha faida kwa ujumla za
utunzaji wa eneo hilo hasa nafasi ya utalii kwa watu mbalimbali wanapenda kuja
kuangalia vyura hao ambao hawapatikani kokote duniani.

Katika hatua nyingine amewaagiza Wataalamu wa NEMC na ofisi yake kuhakikisha
wanaanza mchakato wa kupata haki miliki ya uvumbuzi na utafiti wa kahawa pori
ya Kihansi ambayo imeonekana kuwa na ubora mkubwa ikilinganishwa na aina ya
  Arabika na Robusta ili nchi iweze kupata haki yake kabla ya watafiti wa nchi
nyingine kuwahi kwakuwa wanaona machapisho mbalimbali ya watafiti hao
wanayoyafanya.

Awali akiwasilisha mada fupi kuhusu kazi zinazofanywa na SUA katika utunzaji wa
Vyura hao Prof. Gerald Misinzo amesema walianza kazi hiyo muda mrefu mara
baada ya kugundulika kuwa idadi ya vyura hao wanatoweka na baadae Serikali
kuamua kwenda kuwahifadhi nje ya nchi na baada ya muda vyura hao
wamerudishwa nchini na kuzalishwa katika Chuo Kikuu cha Dar es salaamu
ambapo wameanza kurudishwa taratibu katika eneo la Kihansi.

Dkt. Misinzo amesema kazi kubwa ambayo wataalamu wa SUA wamekabidhiwa
ni kuhakikisha wanaangalia magonjwa na tiba za magonjwa kwa vyura ili
wasiendelee kuathiriwa na kubainisha kuwa tatizo kubwa ambalo wameligundua
ni  magonjwa ya fangasi hivyo jitihada zinaendelea kuhakikisha wanatokomeza
magonjwa hayo.

Kwa upande wake Prof. Paul Kusolwa Mtaalamu wa Uzalishaji wa Mimea kutoka

Ndaki ya Kilimo akiwasilisha fursa nyingine ambazo pia wao kama watafiti
wameiona na uwepo wa aina ya kahawa pori ambayo baada ya kuifanyia utafiti
kwa muda mrefu wanaona inaweza kuwa ya kipekee kutokana na kuwa na sifa
nzuri ikilinganishwa na hizi zilizopo kwa sasa.

Amesema tayari wameshafanya utafiti wa kina na kupata matokeo mazuri hivyo
wamewakabidhi Taasisi ya Utafiti wa Kahawa (TACRI) ili waweze kuendelea
wakizingatia kuwa mradi huo ufadhili wake unafikia mwisho na ni lazima utafiti
huo uendelee ili uweze kuzalisha kahawa.
Akishukuru kwa ujio wa Waziri huyo Makamu wa Mkuu wa Chuo Prof. Raphael
Chibunda amemuomba Waziri Simbachawene na Wataalamu wa NEMC kuona
umuhimu wa kuwezesha Chuo Kikuu cha Sokoine cha Kilimo SUA kupata maabara
maalumu ambayo itakuwa na uwezo wa kufanya tafiti zote zinazohusu masuala ya
mazingira nchini ikizingatiwa kuwa SUA inao wataalamu wengi wabobevu katika
Nyanja hiyo.
Amesema hivi sasa wataalamu hao wanafanya tafiti zinazohusu masula ya mazingira
kwenye maabara ambazo sio maalumu kwa kazi hiyo na kujikuta wanachanganyika
na watafiti wa masuala mengine mbalimbali ikiwemo kilimo hali ambayo inaweza
kushusha ufanisi katika kufanya tafiti na kupata majibu ambayo yataleta tija kwa
Taifa.
Prof. Chibunda amemhakikishia Waziri Simbachawene kuwa chuo kipo tayari
kushirikiana na ofisi yake na ofisini zingine katika kuanzisha maabara hiyo na
kufanya tafiti za kina kwa manufaa ya Taifa.

Rais wa Afrika ya Kusini Cyril Ramaphosa aishukuru Serikali ya Tanzania

Na: Josephine Masisi
Rais wa Afrika ya Kusini  Cyril Ramaphosa ameishukuru Serikali ya Tanzania kwa kushiriki katika harakati za ukombozi
wa Afrika Kusini  kwa vitendo na kuahidi kushirikiana na Chuo Kikuu cha Sokoine cha Kilimo katika kuboresha miundombinu
,kubadilishana uzoefu na kukuza Teknolojia .
Rais wa Afrika ya Kusini  Cyril Ramaphosa akikipokea picha ya aliyekuwa mpigania uhuru Solomoni Mahlangu alipotembelea Chuo Kikuu cha Sokoine cha Kilimo SUA.

Rais huyo amesema hayo wakati alipotembelea SUA na kuongeza kuwa anapoitazama
Mazimbu anaiona wazi  Afrika kusini ndani ya Tanzania na kwamba Tanzania ni nchi ya
kipekee ilivyoweza kuhamasisha umoja na mshikamano kwa nchi za  afrika wakati wa
ukoloni na utawala wa kibaguzi.
Aidha ameongeza kuwa, Tanzania imegharimika kiuchumi kwa kuwa ililazimika kuharibu miundombinu yake hasa katika
maeneo ya kusini ili kuzuia  watawala wa kibaguzi kuingia Tanzania na kuwavamia wapigania uhuru na ukombozi
waliokuwepo wakimemo wa ANC kutoa afrika kusini. 
Rais wa Afrika ya Kusini  Cyril Ramaphosa akiwekashada la maua katika Mnara wa wapigania uhuru wa Afrika ya Kusini (ANC)
Kwa upande wake Waziri Mkuu wa Tanzania Mhe. Kassim Majaliwa amesema eneo la
Mazimbu lina uhusiano mkubwa na historia ya nchi hizo mbili kwani eneo hilo limebeba
historia muhimu ya kumbukumbu ya vuguvugu la ukombozi wa nchi Ya Afrika ya Kusini 

Nae Makamu wa Mkuu wa Chuo cha Sokoine cha Kilimo SUA Prof . Rafael Chibunda
amemuelezea Rais Ramaphosa na ujumbe wake kutoka afrika kusini  historia ya chuo
na namna ambavyo Baba wa Taifa Mwalimu Julias Kambarage Nyerere aliona
umuhimu wa kutoa majengo hayo ya wapigania uhuru  kwa chuo hicho kwa ajili ya
maendeleo ya kilimo nchini .
Rais Ramaphosa ametembelea katika maeneo mbalimbali ndani ya  Kampasi ya
Solomoni Mahlangu walipokuwa wakiishi wapigania uhuru, eneo la  makabuli ambapo
rais huyo ameweka shada la maua na kupanda mti ikiwa ni ishara ya muendelezo wa 
kumbukumbu ya uhusiano kwa vizazi vijavyo.



VYAMA VYA WAKULIMA VIWE MSAADA KWA WAKULIMA NA SIO KUWAKANDAMIZA-BASHE

Na: Farida Mkongwe

Waziri wa Kilimo Mh. Hussein Bashe amesema wizara hiyo inapitia upya Sera ya Kilimo ili kufanya marekebisho na kuondoa kanuni na taratibu zinazomkandamiza mkulima hasa katika suala la kuuza mazao wakati wa mavuno.

picbashe

Mh. Bashe ametoa kauli hiyo wakati wa kilele cha Maonesho ya Wakulima ya Nanenane Kanda ya Mashariki ambapo amesema kuwa haiwezekani mkulima afanye shughuli zote za kilimo akiwa na familia yake lakini inapofika wakati wa mavuno na mauzo mazao hayo yanakuwa mali ya umma.

Waziri Bashe pia amesema wizara hiyo inapitia upya mfumo wa vyama vya ushirika kwa kuwa mfumo uliopo kwa sasa unamkandamiza na kumdhulumu mkulima badala ya kumtetea.

picbashe

“Ushirika sio vyama vya kidalali, kazi ya ushirika ni kuungana na kumsaidia mkulima cha ajabu na cha kusikitisha vyama vyetu vya ushirika vinaungana kumnyonya mkulima, hiyo haikubaliki hata kidogo na tayari tumeshaanza kulifanyia kazi suala hilo”, alisema Mh. Bashe.

Aidha katika kuwasaidia wakulima waweze kuuza mazao yao kwa bei nzuri Mh. Bashe amesema wizara hiyo ya kilimo imeanzaisha mfuko wa kupambana na mtikisiko wa bei za mazao pale bei hizo zitakapoanguka na ili kufanikisha hili wizara inapitia muundo uliopo na kupunguza utitiri wa taasisi zinazohitaji kodi kutoka kwa wakulima na kuzipunguza ili kuleta tija kwa wakulima.

Ameongeza kuwa maboresho mengine wanayofanya ni kuanzishwa  kwa mpango maalum wa kununua pembejeo kwa ujumla kupitia bodi zilizopo wizara ya kilimo na kuacha kununua kupitia madalali na mawakala kama njia mojawapo ya kupunguza gharama za pembejeo kwa wakulima.

Mh. Samia Suluhu Hassan amewaagiza watafiti nchini kufanya tafiti na kuja na majibu

Na: Farida Mkongwe
Makamu wa Rais wa Jamhuri ya Muungano wa Tanzania Mh. Samia Suluhu Hassan amewaagiza watafiti
nchini kufanya tafiti na kuja na majibu yatakayosaidia kupunguza tatizo kubwa linalowakabili wakulima la
kuzalisha kwa kutumia gharama kubwa hali inayowafanya washindwe kulima kibiashara.
Makamu wa Rais ametoa kauli hiyo leo Agosti 8 wakati wa kilele cha maonesho ya wakulima ya nanenane
kwa Kanda ya Mashariki katika viwanja vya Mwalimu Julius Nyerere mkoani Morogoro ambapo amewataka
watafiti kufanya utafiti utakaowapa nafuu wakulima ili waweze kuzalisha kwa tija sanjari na kufikisha
matokeo ya tafiti hizo kwa wananchi.PHOTO 2019 08 07 23 53 14
“Kuna tafiti nyingi sana zinafanyika lakini nasikitika kusema kuwa tafiti hizo nyingi haziwafikii wananchi,
hivyo niwaombe watafiti kuhakikisha matokeo chanya ya tafiti zao yafike kwa wakulima ili kuwawezesha
wakulima hao kutatua changamoto zinazowakabili zikiwamo zile zinazotokana na mabadiliko ya tabia nchi”,
amesema Mh. Samia. 
Aidha Mh. Samia pia ameziagiza Taasisi kwa kushirikiana na Kamati mbalimbali zinazohusika na uandaaji
wa maonesho ya nanenane kote nchini kuhakikisha mabanda yote yanayohusika na kilimo, uvuvi na ufugaji
yanafanya maonesho hayo mwaka mzima ili kutoa nafasi kwa wananchi hususani wakulima na wafugaji
kujifunza kupitia mashamba darasa yaliyopo katika mabanda hayo.
“Maonesho haya ni muhimu sana kwa mustakabali wa ukuaji wa uchumi hapa nchini, hivyo kutokana na
umuhimu wake naziagiza kanda zote nchini ikiwemo kanda hii ya mashariki kutoa huduma hii kwa mwaka
mzima na maafisa ugani nao wawepo ili elimu ya matumizi ya teknolojia za kilimo iweze kuwafikia
walengwa”, alisema Mh. Samia.
Katika hatua nyingine Makamu wa Rais amekemea vitendo vya urasimu vilivyopo kwenye wizara ya kilimo
pindi mkulima anapotaka kuuza mazao yake na kutaka  wizara iangalie upya hali hiyo kwa kuwa mkulima
naye ana haki kama walivyokuwa na haki wafanyabiashara wengine.
Katika maonesho ya wakulima Kanda ya Mashariki  banda la Chuo kikuu cha Sokoine cha Kilimo SUA
limepata zawadi ya kombe na cheti kwa kuwa mshindi wa pili wa jumla wakati zawadi ya mshindi wa
kwanza ikichukiliwa na banda la JKT na Halmashauri ya Manispaa ya Ilala kuwa mshindi wa tatu.

WATANZANIA WATUMIE MFUMO WA AFYA DATA KUTOA TAARIFA KUHUSU DALILI ZA MAGONJWA

Na:Farida Mkongwe
Wakazi wa Mkoa wa Morogoro na watanzania kwa ujumla wameshauriwa kuutumia mfumo wa
Afyadata ambao unatoa taarifa za dalili za magonjwa mbalimbali kwa haraka na hivyo kuweza
kupata tiba itakayookoa maisha yao.

Ushauri huo umetolewa na Afisa Mtawala wa Mradi wa DODRES- SACIDS uliopo katika Chuo
Kikuu cha Sokoine cha Kilimo SUA Robert Maduka wakati akizungumza na SUAMEDIA kuhusu
umuhimu wa mfumo wa Afyadata kwa maisha ya binadamu.
Maduka amesema mfumo huo wa Afyadata unapatikana kwenye simu za Android na kwamba
anachotakiwa kufanya mtumiaji ni kupakua programu ya Afyadata na hapo ataweza kupata fomu
atakayojaza namna anavyojisikia na baadae atapata mrejesho wa dalili za ugonjwa alionao.
Akizungumzia changamoto zilizopo katika matumizi ya Afyadata amesema watu wengi na hasa
wanaoishi vijijini bado hawajawa na uelewa na mwamko wa kutosha kuhusu mfumo huo  na wao
wanaendelea kutoa elimu katika maeneo mbalimbali yakiwemo maeneo ya vijijini.
 
“Matumizi ya Afyadata siyo magumu kabisa cha msingi ni watu kuwa tayari kutumia teknolojia
mbalimbali ambazo zinajitokeza kwa sababu hakuna namna ya kuepukana na teknolojia za kisasa
katika karne hii ya sayansi na teknolojia”, alisema Afisa huyo.

 

USINDIKAJI NI NJIA BORA YA KUOKOA MATUNDA YANAYOHARIBIKA KWA HARAKA

Na:Farida Mkongwe
Wakulima nchini wameshauriwa kusindika mazao yao yakiwemo mazao ya matunda ambayo
hayana uwezo wa kukaa muda mrefu bila kuharibika ili kuyaongezea thamani mazao hayo.
Ushauri huo umetolewa na Afisa Mkuu wa Maabara, Idara ya Teknolojia za chakula, Sayansi za
Lishe na Walaji kutoka Chuo kikuu cha Sokoine cha kilimo SUA Bi. Gaudencia Mchotika wakati
akizungumza kwenye kipindi cha karibu Mezani kinachorushwa hewani na SUAFM.
Bi. Mchotika amesema mazao mengi ya matunda yakiwemo mapapai hayawezi kukaa muda mrefu
bila kuharibika lakini yakisindikwa yana uwezo wa kumpatia kipato mkulima na pia yanaweza
kuuzwa kwa bei kubwa kwa kuwa yameongezewa thamani.
Akitolea mfano wa mapapai, amesema matunda hayo hayapendwi sana kama ilivyo kwa matunda
mengine lakini kwa njia ya kuyasindika na kutengeneza bidhaa nyingine kama jam au chachandu
watu wengi wamekuwa wakiyapenda na hivyo kununuliwa kwa wingi.
Afisa Mkuu huyo wa Maabara, Idara ya Teknolojia za chakula, Sayansi za Lishe na walaji kutoka
SUA amewataka wakulima kujifunza teknolojia hiyo ya usindikaji na kuitumia mara kwa mara ili
kuepukana na hasara inayosababishwa na mazao ya matunda kuwahi kuharibika.

WAHANDISI WA MAJI 67 WAMEFUTWA KAZI KWA KUSHINDWA KUTEKELEZA MAJUKUMU YAO

Na. Vedasto George

Naibu Waziri wa Maji Jumaa Aweso amesema changamoto kubwa inayo kwamisha wakulima nchini kuzalisha mazao yenye ubora wa hali ya juu  ni ukosefu wa mbegu zenye sifa ambazo zinaweza kuwa na tija kwa wakulima na taifa.


Akizungumza  mara baada ya kutembelea Maonesho ya 26 ya  Wakulima maarufu Nanenane Kanda ya
Mashariki yanayofanyika Mkoa wa Morogoro Aweso amesema kuwa ipo haja ya Wizara husika kuangalia
kwa kina uwezekano wa upatikanaji wa mbegu bora zinazoweza kuwa mkombozi kwa wakulima nchini.
Aidha Aweso ameongeza kuwa wizara ya maji tayari imeshafanya mageuzi makubwa katika wizara
hiyo ambapo wahandisi  wa maji takribani 67 tayali wamefutwa kazi kwa kushindwa
kutekeleza majukumu yao ipaswavyo.

Wakazi wa Mkoa wa Morogoro na watanzania ujumla wametakiwa kutembelea SUA kipindi hiki cha nanenane

Wakazi wa mkoa wa Morogoro na watanzania kwa ujumla wanaotembelea maonesho ya
wakulima ya nanenane Kanda ya Mashariki wametakiwa kufika kwenye banda la Chuo Kikuu
cha Sokoine cha Kilimo SUA kujionea teknolojia mbalimbali zikiwemo za panya buku wanaogundua
mabomu yaliyotengwa ardhini.
Shaibu Hamisi Dutilo akionesha  panya mmojawapo aliyepo kwenye banda la SUA kwenye Maonesho ya Wakulima Nanenane Kanda ya Mashariki
Wito huo umetolewa na Mkufunzi wa mafunzo ya panya wa kugundua mabomu ya kutegwa ardhini
na kifua kikuu kwa njia ya kunusa SHAIBU HAMISI DUTILO kutoka kitengo cha APOPO kilichopo SUA wakati akizungumza na SUAMEDIA kuhusu kazi zinazofanywa na panya hao ambao wamepata mafunzo  kwa muda usiopungua miezi 8.
 
Panya Buku aliyepatiwa mafunzo maalum, kwa kusaidia kutegua mabomu na kugundua kifua kikuu
Akizungumzia mafunzo yanayotolewa kwa panya hao DUTILO amesema panya buku wanapata
mafunzo kuanzia hatua za awali hadi kukamilika kwa muda wa miezi minane na kwamba muda
huo unaweza kuongezeka iwapo panya hao watashindwa kufaulu mitihani wanayopewa kama
kipimo cha uelewa wao.
Amesema panya hao ambao wanakadiriwa kuwa na uwezo wa kuishi miaka 7 hadi 8  mpaka sasa
wameshapelekwa kufanya kazi hiyo kwenye nchi ya Cambodia, Angola na Msumbiji ambapo kwa
Msumbiji bado panya hao wapo wakiendelea na oparesheni za kugundua mabomu yaliyotegwa
ardhini.
Aidha Mkufunzi huyo wa Panya wa kugundua mabomu ya kutegwa ardhini na kifua kikuu kwa njia
ya kunusa amesema kwa sasa wana mpango wa kuwapeleka panya hao nchini Israel na Zimbabwe
kwa ajili ya kwenda kufanya kazi hiyo ya kugundua mabomu yaliyotegwa ardhini.
Kuhusu kifua kikuu DUTILO amesema kwa Tanzania wamekuwa wakichukua sampuli za
makohozi  kutoka hospitali mbalimbali na baadae sampuli hizo kupimwa kupitia panya hao na
kwa nje ya Tanzania tayari wanaendelea kugundua sampuli za makohozi yenye kifua kikuu katika
nchi ya Ethiopia na msumbiji.

Subcategories

Page 5 of 52